Créditos
Dirección y Producción COMBO
Dirección Creativa Gabriela Badillo
Ilustración y Animación Enrique Sañudo
Locución y traducción Angélica Agustín Diego
Diseño de Audio y música Igor Figueroa

Versión: Purépecha
Nana wári Salud ka kurhucha urhapiti Michoacani anapu
Yontkia, Tat’a Vasco de Quiroga tsimani intsïmperateechanik’sïni intsïasti, jinte
k’umanchekwa énka tsinap’erhanka énka wénapka únhani i xu Michoacani, ka jimani
jinkoni Nana Wárini Virgen de la Salud arhikata, enka Patzcuarhu jaka.
Wénanku wérati, enka jima xararapka Nana Wári kani ambe sesi utspisanti k’wiripuni,
jimaniksï wékaspti marhoatakwani yamintuechani.
Enka wanopestanhani petanhanha, wananchecha inchamikuarhu anapuechaksï pámpitaspti
yóni jameri, enkaksï jima níntanha imeecheri kumanchikuarhu kurhakuparini nana wárini
eska uch’akuarhaka ka eska no meni mirhikwarheaka, menkuksï tsankuamini wáni
kurhukeecha jiruch’akuparini icharuteechani ka nana wáriniksï jini unharitini jurhietiri t’inskwa jimpo.
Jimpoksï yasï, enkari t‘u erhanarikwaka kurhucha urhapitichani, oakari nana wárini ma erhanharikwani.
No nani jarhasti i parakpini jinteni jasï ma kurhucha ka jucharisti parichi patsani ka kuach’akwani.
Isï eyankpisïnha jucha p’urhéecha
Back to Top